Digwyddiadau
Cyswllt Ffermio: Arallgyfeirio garddwriaethol
Treialu cynhyrchiant o godlysiau-grawnfwyd fel ffynhonell bwyd i bobl
Ymunwch â ni yn Mremenda Isaf yn Llanarthne ar gyfer digwyddiad Cyswllt Ffermio. Fel Fferm Ffocws i Cyswllt Ffermio, mae Bremenda Isaf yn arbrofi gyda chynhyrchu codlysiau-grawnfwyd fel ffynhonnell bwyd i bobl.
- This digwyddiadau has passed.
Bydd y digwyddiad hwn yn hyrwyddo a thrafod amcanion y prosiect, gan gynnwys:
- Canfod ac arddangos mathau o godlysiau a grawn sy’n addas i dyfu yn sir Gâr ac sydd hefyd yn addas fel ffynhonell bwyd i bobl
- Archwilio amaethu, cynaeafu a dulliau prosesu ar gyfer y cnydau a ddewiswyd
- Canfod cadwyn gyflenwi ar gyfer y sectorau cyhoeddus, preifat a chymunedol
Mae’r fferm yn gweithio’n agos gyda thîm arlwyo ysgolion Cyngor Sir Gâr drwy fwydlen dwy flwydd oed sydd wedi’i chreu a’i dylunio o amgylch y defnydd o gynhwysion tymhorol, lleol a chynaliadwy. Bydd y fferm a’r tîm arlwyo yn archwilio’r hyfywedd wrth gynnwys gwahanol godlysiau yn y fwydlen fel adnodd cynaliadwy ychwanegol o faeth i ddisodli cynhwysion sy’n cael eu mewnforio mewn prydiau bwyd.
Yn ogystal â thyfu codlysiau a gwenith, mae Bremenda Isaf yn datblygu nifer o strategaethau arallgyfeirio a fydd yn cael eu trafod mewn manylder yn y digwyddiad. Mae hyn yn gyfle gwych i archwilio opsiynau newydd ar gyfer arallgyfeirio i arddwriaeth a thrafod caffael cyhoeddus fel ffordd i’r farchnad. Bydd cyfle i drafod y gwaith prosiect gyda’r tyfwyr a deall mwy am gynlluniau hirdymor y fferm sirol.
Os nad ydych yn aelod o Cyswllt Ffermio ac eisiau ymuno â ni, ebostiwch Hannah Norman, Swyddog Sector Garddwriaeth: [email protected]